Mikið megum við Íslendingar vera fegnir að stjórnvöld eru búin að stöðva ólöglegt samráð Olíufélaganna hér á landi. Annars hefði verið hætt við að öll félögin hefðu hækkað eldsneytisverðið um sömu upphæð á sama tíma. Það hefði aldeilis verið óhagstætt!
Ég veit ekki um ykkur, en mér mislíkar þegar mér er sendur fingurinn með þessum hætti. Þó svo að það sé mér alveg þvert um geð að vitna í umhverfisráðherra Ástralíu þá eiga orðin hans "þeir ættu að skammast sín" vel við í þessu samhengi.
Ég votta öllum vegfarendum samúð mína með hækkanir á eldsneyti!
Mér mislíkar líka. Þetta er ekki hægt og svo þegar dollarinn lækkaði og hélst þannig vikum og mánuðum saman þá lækkaði ekki bensínið því það voru svo miklar birgðir í landinu hrmpt. En annað, það er gaman að kíkja við hjá þér því þú ert svo duglegur að setja inn nýjar og skemmtilegar færslur og tilvitnanir.
Sjáumst sem fyrst yfir góðum kaffibolla og þar sem makar okkar eru svo frábærir þá mega þau gjarnan vera með okkur.
Kv. Erla
Posted by: Erla | September 02, 2005 at 03:12 PM
Af hverju hækka þeir ekki bensínið upp í svona 240 kr. og þá þurfa þeir ekkert að vera að spá alltaf í þessu heimsverði og eru þá ekkert með neitt vesen. Svo eftir svona viku verðum við Íslendingar orðnir vanir þessu og bara sáttir, og verðum svo glöð að þeir skuli ekki hækka næst þegar að heimsverðið kallar á smá hækkun :) Þá verða allir glaðir.
Posted by: Hjörtur | September 03, 2005 at 03:33 PM