Theodor Birgisson

Ellikelling...

...getur sannarlega komið okkur í vanda. Dísa Ásgeirs vinkona mín sendi mér þetta skemmtilega myndband. Download the_senior_stuntmen.wmv

Þrisvar í viku!

Einn enn brandari og svo fer ég að blogga um eitthvað merkilegt!

Sjötíu og fimm ára kona kom til heimilislæknisins í eftirlit.Læknirinn sagði að hun þyrfti að hreyfa sig meira og ráðlagði henni að stunda kynlíf þrisvar í viku.Viltu vera svo góður að segja manninum mínum frá þessu,sagði konan. Læknirinn kallaði á manninn,sem beið í biðstofunni,og sagði honum að frúin þyrfti að stunda kynlíf þrisvar í viku.Makinn,sem var áttatíu ára,spurði: “Á hvaða dögum?” Hvað segið þið um mánudaga, miðvikudaga og föstudaga?” Ég get komið með hana  á mánudögum og miðvikudögum,” sagði maðurinn, en á föstudögum verður hún að taka “STRÆTÓ”

Einn góður!

Maður í loftbelg sá að hann var að missa hæð. Hann tók eftir konu á jörðinni, lækkaði flugið aðeins meira og kallaði til hennar: Afsakið, geturðu hjálpað mér? Ég lofaði að hitta vin minn fyrir klukkutíma, en veit ekki hvar ég er.

Konan svaraði: Þú ert í loftbelg sem svífur í 10 metra hæð, milli 40. og 41. Norðlægrar breiddargráðu og milli 59. og 60. Vestlægrar lengdargráðu.

Þú hlýtur að vinna við tölvur, sagði loftbelgsmaðurinn.

Það geri ég, svaraði konan. Hvernig vissirðu það ?

Nú, svaraði maðurinn, allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér.  Ef eitthvað er þá hefurðu helst tafið ferð mína.

Konan svaraði: Þú hlýtur að vinna við stjórnun.

Já, sagði maðurinn. En hvernig vissir þú það?

Nú, sagði konan, þú vissir hvorki hvar þú ert né hvert þú ert að fara. Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök.

Ástarbréf...

Hæ hæ elskulegi eiginmaður.

Áður en þú kemur heim úr viðskiptaferðinni vil ég bara láta þig vita um smá óhapp sem varð hér heima. Ég vil samt taka fram að það er allt í lagi með mig og ég er alveg ómeidd, svo þú hafir ekki óþarfa áhyggjur. Málið er að þegar ég var að koma heim úr búðinni í gær á stóra pallbílnum og var að beygja inn í innkeyrsluna varð ég fyrir því að, í stað þess að stíga á bremsuna, steig ég óvart á bensíngjöfina. Bílskúrshurðin beiglaðist dáldið en það sem verra var að antik- Ferrariinn þinn, sem ég veit að þú heldur svo mikið uppá, beiglaðist dáldið mikið þegar pallbíllinn stoppaði uppá honum. Ég ætlaði að reyna að rétta hann aðeins og eina sem ég fann til þess voru nýju flottu golfkylfurnar sem þú lést sérsmíða fyrir þig. Ég bara gerði mér ekki grein fyrir því hvað væri veikt í þeim, en þær bara beigluðust líka. Þá
hugsaði ég með mér að reyna að bæta fyrir þetta allt með því að hafa allavega allt hreint og fínt þegar þú kæmir heim svo ég ákvað að þvo öll nýju sérsniðnu jakkafötin þín. Þú manst, þessi gráu voru með oggolitlum sósublett á innanverðum jakkanum og þessi grænu voru pínu krumpuð á innanverðu fóðrinu. Því miður tókst ekki betur til en svo að ég setti þvottavélina óvart á suðu svo öll fötin þín hlupu um tvö númer. Elsku vinurinn

minn

, ég bara vona að þú fyrirgefir mér þennan klaufaskap, þetta var bara röð óhappa. Hlakka mikið til að fá þig heim, þín eigikona XXX

P.S. ... Ó,,já og kærastan þín í Frakklandi hringdi....

Að forðast fitu...

Ég sat í allan morgun langan og strangan starfsmannafund hjá KB Ráðgjöf. Þessir fundir eru skemmtilegir og margir góðir brandarar fjúka um salinn. Þarna situr einvala lið sölumanna sem kunna að orða hlutina. Í morgun sat ég við hliðina á Kristjáni Nikulássyni vini mínum. Allt í einu snéri hann sér að mér og sagði alvarlegur í bragði: "Getur þú aðeins fært þig?" Ég gerði það og fór eins nælægt næsta manni og ég gat. Enn sagði hann: "Getur þú fært þig aðeins lengra?" Ég sagði honum að nær næsta manni kæmist ég ekki. Hann svaraði: "Nei ekkert mál. Læknirinn minn var bara að ráðleggja mér að forðast alla fitu...."

Njótið dagsins vinir  - hann er Guðs gjöf.

Sölumaður af lífi og sál

Nemandi í samvinnuskólanum á Bifröst sótti um vinnu sem afgreiðslumaður í Kaupfélagi út á landi. Þetta var svona alvöru kaupfélag þar sem hægt að var fá allt milli himins og jarðar. Kaupfélagsstjóranum leist vel á unga manninn þótt hann væri óreyndur og ákvað að ráða hann til reynslu. Hann sagði unga manninum að mæta næsta morgun og um kvöldið myndi hann síðan ákveða hvort hann fengi vinnuna eða ekki.

Kvöldið eftir spurði kaupfélagsstjórinn unga manninn hvernig hefði gengið og hvað hann hefði afgreitt marga. "Bara einn" sagði drengurinn. Þetta fannst kaupfélagsstjóranum ekki mikið ogspurði hvað hann hefði selt fyrir mikið. "Fimm miljónir, eitthundrað níutíu og þjúþúsund" sagði afgreiðslumaðurinn við kaupfélagsstjórann.

"Hvað seldir þú honum eiginlega", spurði kaupfélagsstjórinn hissa? "Jú, sjáðu til" sagði drengurinn. "Fyrst seldi ég honum lítinn öngul, síðan seldi ég honum miðlungsstórann öngul, þá stóran öngul, svo veiðistöng og síðan spurði ég hann hvar hann ætlaði að veiða. Hann sagðist ætla að veiða í vatninu og þá sagði ég honum að hann þyrfti að bát og seldi honum plastbát með 40 hestafla utanborðsmótor. Þá sagði maðurinn að hann gæti aldrei flutt bátinn á Daihatsuinum sínum svo að ég fór með hann í véladeildina og seldi honum nýjan Land Rover".

Nú var andlitið hálfdottið af kaupfélagsstjóranum og hann sagði: "Maðurinn kemur hér inn til að kaupa einn litinn öngul og þú selur honum bæði bát og bíl!" 

"Nei, nei" sagði strákurinn. "Hann kom hingað til að kaupa dömubindi handa konunni sinni og ég sagði við hann að fyrst helgin væri hvort eð er ónýt hjá honum væri eins gott fyrir hann að fara að veiða....

Njótið dagsins vinir mínir - hann er Guðs gjöf!

Óli og skólinn

Í tilefni af því að skólahald hefst víðast hvar á morgun læt ég hér fljóta sögu um hann Óla sem fór í skóla. Einn daginn var Óli mjög lumpinn og hvartaði sáran. Að lokum spurði hann kennarann hvort hann mætti fara heim því að honum liði svo illa. Kennarinn var umhyggjusamur mjög og spurði Óla hvar honum liði svona illa. Óli svaraði um hæl: Í skólanum!!!

Njótið dagsins kæru vinir.

Veikur maður

Maður nokkur kom til læknisins og sagði honum að hann væri kominn með gulu. Læknirinn var hissa á þessari greiningu mannsins og spurði hann af hverju hann héldi að hann væri með gulu. Maðurinn svaraði því til að hann hefði lesið að fyrstu tvær vikurnar sem maður væri með gulu væru alveg einkennislausar. Og þannig hafði honum einmitt liðið síðustu tvær vikur og því væri engin spurning að hann væri kominn með gulu...

Sumum líður sannarlega illa ef þeim líður ekki illa!

Brúðgumi og eiginmaður

Ung stúlka spurði mömmu sína: "Mamma, hver er munurinn á brúðguma og eiginmanni?" Móðirinn svaraði án þess að hugsa sig um: "30 kíló..."

Njótið dagsins vinir mínir.

Milljónamæringur

Í kjölfar fregna af geysimiklum hagnaði bankanna og þá ekki síst þess banka sem nýtur minna starfskrafta þá datt mér þessi skemmtilegi barandari í hug. Það var Jóhannes Hinriksson sem lét þetta frá sér fara í stórskemmtilegu brúðkaupi sem ég sat á sunnudaginn var:

Fjóla hitti vinkonu sína og sagði henni eftirfarandi: "Ég gerði manninn minn að milljónamæringi!" Vinkonan var verulega hrifin af árangri Fjólu og spurði í eftirvæntingu: "Hvað var hann þá áður en þið kynntust?" Það stóð ekki á svari Fjólu sem sagði að bragði : "Hann var MILLJARÐAMÆRINGUR...."

Njótið dagsins kæru vinir.