Theodor Birgisson

Árangur

Yngvi Rafn Yngvason, vinur minn til margra ára, sendi mér þetta spakmæli:

"Árangur er ekki mældur í því sem þú áorkar, heldur þeirri mótstöðu sem þú mætir og því hugrekki sem þú sýnir þegar allt virðist fara á versta veg."

Charles Lindbergh

Lífshættulegt

Það er svo margt sniðugt sem ungviðið lætur út úr sér. Um daginn sagði Elín Rut dóttir mín (9 ára) mér frá því að frændi vinkonu hennar væri "lífshættulega dáin". Þegar málið var krufið til mergjar kom í ljós að hann hafði gert eitthvað sem var virkilega hættulegt. Mér fannst þetta mjög skondið orðatiltæki.

Njótið dagsins og passið ykkur á að gera ekkert sem gæti gert ykkur lífshættulega dáin.

Notagildi?

Síminnn er merkileg uppfinning en hver skyldi nokkurn tíma nota hann?
Rutherford B. Hayes - Forseti Bandaríkjanna árið 1877

Tölvur árið 1943

Ég hygg að á heimsmarkaði gæti orðið rúm fyrir svo sem fimm tölvur.
Thomas Watson, stjórnarformaður Bandaríska skrifstofuvélarisans IBM árið 1945. 

Gullmoli úr heimi vísindanna

Í framtíðinni duga kannski 1.000 útvarpslampar í eina tölvu sem þá þarf ekki að vera nema eitt og hálft tonn að þyngd.

Úr blaðinu Poupular Mechanics árið 1949.

Gullmoli úr heimi vísindanna

Flugvélin er skemmtilegt leikfang en getur aldrei haft neitt hernaðargildi.

Ferdinand Foch, franskur herforingi og hernaðarsérfræðingur, 1911

Gullmoli úr heimi vísindanna

Setji maður skrúfu í skut skips, verður útilokað að stýra því.

Sir. William Symonds, yfirmaður í enska flotanum, 1837.

Símaleysi í Ameríku

Þeir þurfa kannski síma í Ameríku. Ekki við - við höfum nóg af sendlum. Sir. William Preece, tæknistjóri bresku póstþjónustunnar, 1876.

Endalok bílsins

Það að bílinn sé kominn að endimörkum möguleika sinna má sjá af því að á liðnu ári hafa ekki komið fram neinar grundvallarbreytingar á honum. Vísindaritið Scientific America, 2. janúar 1902.

Þreyttur á vísindum

Ég er þreyttur á öllum þessum vísindum. Við höfum eytt í þau milljónum á síðustu árum og það er kominn tími til að hætta þessu. Þingmaðurinn Simon Cameron í ræðu í öldungadeild Bandaríkjaþings 21. febrúar 1861.